મીરાંને આશ્વાસન - ન.પ્ર.બુચ

જૂનું છો થયું,દેવળ,જૂનું છો થયું,
એમાં થઇ શું ગયું?……દેવળ.

ઊડી ગયો હંસલો જો,
પાળી બીજો લેને તો;
અથવા પિંજર બીજાને
દઇ દે —-થયું !…..દેવળ.

દાંતો પડિયા જો તારા,
દાંતના દાક્તર સારા,
શેરી ગલિયુંમાં એની
દુકાનું થિયું. …….દેવળ.

પ્રેમપ્યાલો ના કિન્તુ
ચાહનો પ્યાલો પી તું.
નટવર નાગર કે’ તારું
દુ:ખ, તો ગીયું. …….દેવળ.

– ન.પ્ર.બુચ

( મીરાંબાઇની પ્રસિધ્ધ રચનાનું પ્રતિકાવ્ય )

આ કાવ્ય ટાઇપ કરીને મોક્લવા માટે શ્રી. જુગલ કિશોર વ્યાસનો આભાર.