ગીત મને કોઈ ગોતી આપો – યશવંત ત્રિવેદી

મારી દંતકથાનો ચાંદ મને કોઈ લાવી આપો

કોઈ રાધાનાં લોચન-શા આ દરિયાઓ
ઈ દરિયાઓની પાર ઝૂલતી સાંજનાં કોઈ વાંસવનો ઈ વાંસવનોના કો’ક મોરના મોરપીંછમાં
પૂરવ જનમ થૈ ઊડી ગયેલું ગોકુળ મારું ગોતી આપો.
મારી દંતકથાનો ચાંદ મને કોઈ લાવી આપો.

મારો ચઇતર તો અંધ, મને શીદ ફૂલોભરી તડકાની ડાળી બતલાવો?
મારા ગોકુળની ઋતુ ઋતુ , આ અંધ શહેરમાં નિયોનના પરદાઓમાં શીદ લટકાવો?

કોઈ કન્હાઈની આંખોમાં તરતાં આકાશો
ઈ આકાશોને કહો કે ઊતરે હળુહળુ કોઈ બોરસલીની ડાળે
ઈ બોરસલીની ડાળ હવે તો વસંતનું ઝુમ્મર થૈ ઝૂલે
ઈ ઝુમ્મર નીચે રીસે ઊભી રાધાને ફૂટ્યું ગીત મને કોઈ લાવી આપો.
મારી દંતકથાનો ચાંદ મને કોઈ લાવી આપો.

સમયના તૂટી ગયેલા દર્પણમાં લો આજ મને કોઈ પૂરવજનમથી સાંધી આપો.
ઈ દર્પણના કો’ક શહેરના અવશેષોથી કન્હાઈ-રાધા આજ મને કોઈ લાવી આપો.
મારી દંતકથાનો ચાંદ મને કોઈ લાવી આપો

- યશવંત ત્રિવેદી

કવિ પરિચય

Published in: on November 25, 2007 at 11:30 pm Comments (2)

The URI to TrackBack this entry is: http://pateldr.wordpress.com/2007/11/25/geet_mane_yashawant_trivedi/trackback/

RSS feed for comments on this post.

2 Comments Leave a comment.

  2. On November 26, 2007 at 9:31 am ગીત મને કોઈ ગોતી આપો - યશવંત ત્રિવેદી « તુલસીદલ Said:

    [...] ગીત મને કોઈ ગોતી આપો – યશવંત ત્રિવેદી November 26, 2007 Filed under: અન્ય સ્તુતિઓ — મગજના ડોક્ટર @ 4:31 pm ગીત મને કોઈ ગોતી આપો – [...]

    Reply

Leave a Comment