શ્વાસમાં વાગે શંખ - ધીરેન્દ્ર મહેતા ( Dhirendra Mehta )
શ્વાસમાં વાગે શંખ
શ્વાસમાં વાગે શંખ,
એ જી રે શ્વાસમાં વાગે શંખ…
ઘડિયા-ચોઘડિયાંની વાત નથી આ કાંઈ ઘડીએ ઘડીની છે વાત;
ફૂંકની પેર હું તો ફૂંકાતો ચાલું ને ફેલાતી ચાલે મારી જાત!
રૂંવા રૂંવામાં ઝાલર બાજે ને ગવાય રૂડા છંદ!
હો જી હો ગવાય રૂડા છંદ…
એ જી રે શ્વાસમાં વાગે શંખ!
બત્રીસે કોઠામાં ઝગમગતા દીવડાનો આઠે પહોર અજવાસ;
ચઢ ને ઊતર કરે રગમાં રુધિર એની આરતી ફરે બારે માસ!
ધજાની પેર મારા અંગ ઊડે ને કાંઈ ફરફરતો આનંદ!
હો જે હો ફરફરતો આનંદ…
એ જી રે શ્વાસમાં વાગે શંખ!
ધીરેન્દ્ર મહેતા
પવનના વેશમાં માંથી સાભાર.
The URI to TrackBack this entry is: http://pateldr.wordpress.com/2008/04/28/%e0%aa%b6%e0%ab%8d%e0%aa%b5%e0%aa%be%e0%aa%b8%e0%aa%ae%e0%aa%be%e0%aa%82-%e0%aa%b5%e0%aa%be%e0%aa%97%e0%ab%87-%e0%aa%b6%e0%aa%82%e0%aa%96-%e0%aa%a7%e0%ab%80%e0%aa%b0%e0%ab%87%e0%aa%a8%e0%ab%8d/trackback/
