ગત વર્ષ (૨૦૬૬)નું
ગાણું….
ધડાક દઈને ડેલી વાસો, બહાર ઉભો હું ડોસો
મોર પિચ્છ મારૂં કાઢીને મુગટ નવાએ ખોસો..!!
અમને મારી દીધો ઠોસો ??!!
કેટ કેટલી વ્યથા અમોએ તારી સાથે બાંટી
જલસા પાણી તારા ખાતે, દ્રાક્ષ અમોને ખાટી..!!
તોયે અવળી મારી આંટી..??
કાળા ધોળા કંઈક કર્યા તેં, ઢાંક પિછોડો કરવો
છબછબીયા દેખાડી સહુને, અંદર દરિયો તરવો..!!
કેવો વેશ તમારો વરવો…??
મારામાંથી ધડો લઈને નવી વાનગી રાંધો
સંબંધોની સોઈ થકી વણસેલા રીશ્તા સાંધો
એવી ગાંઠ જીવનમાં બાંધો
તમને કોઈ પછી ના વાંધો
દઈ દ્યો આજ અમોને કાંધો
દઈ દ્યો આજ અમોને કાંધો….!!!
-ડૉ. જગદીપ નાણાવટી
Like this:
One blogger likes this post.
શ્રી ડોક્ટર જગદીપભાઈ,
કાળા ધોળા કંઈક કર્યા તેં, ઢાંક પિછોડો કરવો
છબછબીયા દેખાડી સહુને, અંદર દરિયો તરવો..!!
કેવો વેશ તમારો વરવો…??
વાહ વાહ શું ભાવવહી અને સુંદર ગીત છે.
” જુઓં સંવત ૨૦૬૬ નું ગત વર્ષનું છે ગાણું ,
વાંચવા માટે ભાઈ ના ખર્ચવું પડે કોઈ નાણું .
માનવ જીવને સમજવા ને શીખવાનું છે ટાણું,
સ્વપ્ન કહે જગદીપને ગીત લખ્યું છે બહુ શાણું.
ધન્યવાદ.
Really nice one, enjoyed.
Ramesh Patel(Aakashdeep)