બસ આપણે તો આપણે એ જ ભ્રમમાં હાલ્યા કરું
પકડેલ તંતો ને રમાડી કેફમાં ભૂલ્યા કરું
છું હું સવાયો આ જગે, રાચી જ ઘૂઘવ્યા કરું
ભરતી પછી ઓટ છે એ કેફમાં ભૂલ્યા કરું
ઘા એક કટકા બે જ ની મસ્તીથી ગાજ્યા કરું
બનતા મિત્રો દુશ્મન તો પણ કેફમાં ભૂલ્યા કરું
વ્યવહારનાં લેખાં જ ભૂલી ત્રાજવે તોલ્યા કરું
શાણપણની વાત વિસરી કેફમાં ભૂલ્યા કરું
ખીલ્યું પ્રભાત ઝળહળશે નભ એ જ હું ગાયા કરું
ને વાત સંધ્યા રાતની હું કેફમાં ભૂલ્યા કરું
‘આકાશદીપ ‘ વદે નશો જાશે જ નક્કી ઊતરી
જાયે સમય થાશે પછી શું ? કેફમાં ભૂલ્યા કરું
-રમેશ પટેલ ‘આકાશદીપ’
