નૂતન વર્ષે…
નૂતન વર્ષ, નૂતન સવાર, જીવનમાં નૂતન પ્રકરણ,
ભૂલવા જૂના ભેદભાવો, વેરઝેર અને જૂની લઢણ.
સૌના જીવનમાં સુસંવાદિતા, ના દેખાય ક્યાંય ચણભણ,
અધૂરપની મધુરપ માણવી, જવું પૂર્ણતા ભણી ક્ષન-ક્ષન,
સૌનાં સપનાં સાચાં પડે, દૂર થાય મનની મુંઝવણ.
સામેનાના મનની વાત સમજીએ , ભલે એ ન બોલે કંઈ પણ,
નવા ઉમંગો, નવી ચેતના, રાધાવરનું રાત દિ’ રટણ,
હસીએ મુક્ત મને ખડખડાટ , છોડીને રોજીંદી પરોજણ,
આબાલવૃદ્ધ, નરનારી સૌ સંકળાયા છે એક તાંતણ,
સર્વાંગી વિકાસ યાત્રામાં જોડાયા હર ભારતી જણ.
નૂતન વર્ષાભિનંદન , નૂતન વર્ષાભિનંદન
- રાજેન્દ્ર ડી. શાહ
Like this:
One blogger likes this post.
