વાત નાની ક્યારેક મોટી બને છે
ને ક્યારેક જિન્દગી લુન્ટાય છે કોલેજ મા,
મિત્રો સાથે મોજ તો રોજ થતી જ રહે છે
પણ દોસ્તી સાચી પરખાય છે કોલેજ મા,
ક્યારેક હળવાશ તો ક્યારેક ત્રાસ
ને ક્યારેક પ્રેમ ની આશ થાય છે કોલેજ મા,
મે તો ચાહ્યુ તુ ઘણુ બધુ છતા
એ જ ઝખમો રહી જાય છે કોલેજ મા…………. vivek tank

લખી નામ મારૂં લિખિતંગ તરીકે
અમે સાવ મૂકી છે નેવે શરમને

હથેળી છે અટકળ તણાં સાત કોઠા
કરો બંધ મુઠ્ઠી, ને ભેદો ભરમને

ઝખમ તેં દીધાં, રાખવા સાવ તાજા
લગાવો કોઈ આજ ઇલમી મલમને

માત પાર્વતી પિતા મહેશ

વિઘ્નહર્તા ગણનાથ ગણેશ્

શુભ સુમંગલ સ્મરણ મીઠા

રિધ્ધિ સિધ્ધિ સહ આજ દીઠા

સૂરજ દેવ સમ તમ પ્રભા

આનંદ હિતકારી દેવ સદા

નત મસ્તકે જોડી હાથ

પ્રથમ વંદીએ દેજો સાથ

રમેશ પટેલ(આકાશદીપ)

ઢોલ ધબૂક્યા વૃન્દાવનમાં ,શરદ પૂનમની ખીલી રાત

ગોપ ગોપીઓની નિર્મળ ભક્તિ,કાના સંગ સૌને રમવો રાસ

ઝટઝટ વાળું લીધું આટોપી,દોડ્યૂં ગોકુળ વૃન્દાવન વાટ

વરસી વ્યોમથી અમૃત હેલી,પ્રગટ પ્રભુનો પામવા પ્યાર

શીતળ સમીરના વીંઝણા વાયે,છૂપાયો નટખટ રઢિયાળી રાત

બહાવરાં નૈન શોધે વ્રજનાર,શ્રી હરિ સંગે રમવોછે રાસ

ગામ ઘેલું થઈ પૂછતું વાત,નથી ફોડી મટકી કાનાએ આજ

નથી લૂંટ્યા માખણનાં દાન,બોલો જશોદાજી ક્યાં છૂપાયો કાન

હસતી રાધા કહે શ્યામને,કેમકરી સૌ સંગ રમશો રાસ?

રુસણાં લેશે ગોપગોપીઓ,કેમ રીઝવશો સૌને શ્યામ?

પીળાં પીતામ્બર જરકશી ઝામા, મધરાતે વાયા વેણુના નાદ

લીન થયા બ્રહ્મનાદે ગુણીજન,ભૂલ્યાં વિરહમાં દેહનાં ભાન

રાસ ભક્યિમાં મગન વ્રજવાસી,દીઠો જોડીધર જગદીશ સૌ સંગ

સ્નેહ ભક્તિનો રાસ રચાયો, મન ભરી માધવે છલકાવ્યો રંગ

ગગન ગોખથી નીરખે યોગમાયા, બહુ રુપ ધરી કાનો રમતો રાસ

છોગાળો લાલો લાગે વહાલો, ભગવત કૃપાનો ધરિયો થાળ

રમેશ પટેલ(આઅકાશદીપ)

થઈ ઉષા થકી
ઉગમણુ બારણુ
સદા પાવન કરો
અમારૂં આંગણું

ઝુલાવો પાંપણે
શરમનું પારણુ
પછી શમણું કહો
રહે શેં વાંઝણું

ચહો, રૂખ, તે રીતે
બદલીએ આપણું
ઉનાળે વાયરો
શીયાળે તાપણું

પાન કોઇ બીજા લઈ ગયા છે પણ એને ના રોજો…….vivek tank

અમે તમારા તમે અમારા

વિશ્વે રમીએ થઈ રુપાળા

છીએ અમે ભાઈ ગુજરાતી છોગાળા

દીધું દાતાએ ભરી તિજોરી

હરખે કરીએ મહેમાન નવાજી

વહે દાન પૂણ્યની ધારા

છીએ અમે ભાઈ ગુજરાર્તી છોગાળા

રાષ્ટ્ર પ્રેમથી ધરણી છલકે

વલ્લભ ગાંધી વદતાં મલકે

સિંહની ધરણીના અમે લાલા

છીએ અમે ભાઈ ગુજરાતી છોગાળા

પૂણ્ય ભુમિ સુખ દુખના સંગાથી

સપ્ત સમંદર સવારી અમારી

આયખે સાહસના સથવારા

છીએ અમે ભાઈ ગુજરાતી છોગાળા

ધરતી મેઘના મિલન મધુરાં

એવા સ્નેહના બંધન અમારા

ફતેહના ડંકા સદાએ દેતા

જન્મ ભૂમિના રતન રુપાળા

છીએ અમે ભાઈ ગુજરાતી છોગાળા

રમેશ પટેલ(આકાશદીપ)

વતનની શાન ત્રિરંગો રાષ્ટ્ર ધુને આકાશે ફરફરે

ઓલમ્પિકના સુવર્ણ ઈલકાબે ધન્ય અભિનવ મલકી ઊઠે

એક સુરજ ઝળહળે ને આભલું ઝગમગી ઊઠે

એક લાડલા અભિનવના કીર્તિમાને ભારત મલકી ઊઠે

એક ચંદ્રની રોશનીથી સાત સમંદર હેલે ચઢે

એક અભિનવના નિશાને લક્ષ કોટિ દિલ મલકી ઊઠે

એક કોહીનૂર રત્ન ભંડારે પહાડ નૂરનો દીસે

એક અભિનવ દેશનો શીર મુગટ થઈ મલકી ઊઠે

એક ગુલાબનું ફૂલ રાજ રાજેશ્વર સમ ખીલે

એક અભિનવ ના પુરુષાર્થે ભારત વર્ષ મ્હેંકી ઊઠે

રમેશ પટેલ(આકાશદીપ)