પાસપાસે તોય
પાસપાસે તોય કેટલાં જોજન દૂરનો આપણો વાસ !
જેમ કે ગગન સાવ અડોઅડ તોય છેટાંનો ભાસ.
રાતદીનો સથવાર તે સામે મળવાનું તો
કોઈ દ્ હાડે સુખ મળતું નથી,
આવકારાનું વન અડાબીડ, બારણું ખોલી
ફળિયામાં સળવળતું નથી;
આંસુનેયે દઈ દીધો છે ભવનો કારાવાસ…
પાસપાસે તોય કેટલાં જોજન દૂરનો આપણો વાસ !
ઝાડથી ખરે પાંદડું એમાંય
કેટલાં કિરણ આથમ્યાનું સંભારણું હશે ?
આપણી વચ્ચે ‘આવજો’ની કોઈ ભીંત હશે,
કે યાદ જેવું કોઈ બારણું હશે ?
પડખે સૂતાં હોય ને લાગે સમણાંનો સહવાસ !
જેમ કે, ગગન સાવ અડોઅડ તોય છેટાંનો ભાસ.
માધવ રામાનુજ
અમર ગીતો ( ગુજરાતી સાહિત્યનો અમર વારસો ) માંથી સાભાર
સંપાદન: ચંદ્રકાન્ત શેઠ
પુસ્તક પ્રકાશક અને વિક્રેતા: આર. આર. શેઠની કંપની
Web: http://www.rrsheth.com
Advertisements
કાવ્ય
હા તું માને
જીવાડી
હસાવી
રડાવી
રહ્યો છે
ચલાવી
દોડાવી
ફરાવી
રહ્યો છે
ઉંઘાડી
જગાડી
રહ્યો છે
જેને તું ઈસુ, બુદ્દ્ધ, મહાવીર,
રામ, ક્રુષ્ણ ક હે છે
તે જ એ જ છે
તું માને તો સઘળુય છે
અને
ના માને તો ક્શુંજ નથી ..
કવિ : જાન
મલેક્પુર વડ
મો.૯૯૨૪૬૧૦૧૨૪
પિંગબેક: ઝાડથી ખરે પાંદડું એમાંય, કેટલાં કિરણ આથમ્યાનું સંભારણું હશે ? આપણી વચ્ચે ‘આવજો’ની કોઈ ભીંત હશ