કેટલીક ગઝલ- અંકિત ત્રિવેદી (Ankit Trivedi)

કેટલીક ગઝલ

1-

મેં હજી મત્લા કર્યો છે, ક્યાં ગઝલ આખી કહી છે?
તોય ડૂમો કરગર્યો છે, ક્યાં ગઝલ આખી કહી છે?

વાત જે ના થઈ શકી એનો નશો, મિસરો બનીને,
ધીરે ધીરે વિસ્તર્યો છે, ક્યાં ગઝલ આખી કહી છે?

સાંજની ભીની હવા પરના રદીફનો હાથ ઝાલી,
કાફીયાને કોતર્યો છે, ક્યાં ગઝલ આખી કહી છે?

તેં કરેલા સૌ ખુલાસાઓની આગળ માત્ર મેં તો,
શેર આ સામે ધર્યો છે, ક્યાં ગઝલ આખી કહી છે?

2-

જ્યારે મળું ગઝલમાં ખૂબ જ નજીક લાગે,
પંડિતનો સાથ લઉં છું, તો માથાઝીક લાગે.

માણસના વેશમાં અહીં ઈશ્વર ઘણા મળે છે,
ઈશ્વરને જઈ કહો કે માણસ કદીક લાગે.

અર્પણ કરું છું સઘળું, કાયમ પડે છે ઓછું,
થોડુંક પણ એ આપે તો પણ અઘિક લાગે.

ઉપરથી તો બધાની જેમ જ ગમાડવાનું,
છો ખાનગીમાં તમને ઠીક ઠીક લાગે.

ચારે તરફ નગરમાં બનતું નથી કશું પણ,
છે રાબેતા મુજબનું તેથી જ બીક લાગે.

3-

ઉઘાડા બારણે થડકો થઈને કઈ રીતે આવી?
તને કહું છું, જૂનો લ્હેકો થઈને કઈ રીતે આવી?

તું તો અજવાળું માફકસરનું પીરસતી રહી કાયમ,
દીવાની વાટ, તું ભડકો થઈને કઈ રીતે આવી?

ભુલાયેલી ઘણીયે સાંજને પૂછું છું રસ્તા પર,
નર્યા વરસાદમાં તડકો થઈને કઈ રીતે આવી?

તને દરરોજ જોઉં છું સતત મારા ઉપર હસતા,
ઉદાસી આજ ઉમળકો થઈને કઈ રીતે આવી?

પીડા તો છે પીડા જેવી ને એના ભાગ્યમાં ડૂમો,
ગઝલમાં આવી તો ટહુકો થઈને કઈ રીતે આવી?

અંકિત ત્રિવેદી
પ્રકાશિત ગઝલસંગ્રહ: ગઝલપૂર્વક
પ્રકાશક: ઈમેજ પબ્લિકેશન્સ, મુંબાઈ/અમદાવાદ
પ્રાપ્તિસ્થાન: info@imagepublications.com

15 Comments

  1. ઉર્મીઓ માં પણ કેટલાય શ્વાસ હોય છે
    જીવંત અને મૃત: એવા અહેસાસ હોય છે
    જે જીવન ને ‘હું’ છાલક મારું છું
    એ જીવન ને નવા અવકાશ હોય છે
    ભવ્યતા તો ત્યારે સમજાય છે જયારે
    પાંગળા અંધકાર માં નવો ઉજાસ હોય છે
    .
    માનસી

  2. -શેર :-

    ૧. મળી છે આ જિંદગી તો હસતી હસાવતી રાખો
    હશે આ આ જિંદગી હસતી તો કોઈ દર્દ નહી રહે

    ૨.કા લોક પ્રેમને બહાર શોધે ને કા લોક અહીં તહીં ભટકે છે
    જરા આંખ મીંચી ભીતર માંહી જો અવિરત પ્રેમની ગંગા વહે છે .

    ૩.જિંદગીની સફ્રર ક્યાંક ટૂંકી અને લાંબી પણ હોય છે
    પણ આ જિંદગીની આ સફ્રરમાં કેવું જીવ્યા તેનો જ મર્મ ગવાય છે

    ૪.મેં તો માંગ્યું ન્હોતું ને મને પ્રેમનો ગુલદસ્તો મળ્યો
    પ્રેમ ક્યાં હોય છે આમ સસ્તો મને ગમતો તેવો જ રસ્તો મ્ળ્યો .

    ૫.અનુભવ દુનિયાના લઈને ઘડાયો છું ને
    ઘસાઈ ઘસાઈ ને ચંદન બન્યો છુ.

    કવિ : જાન
    મલેક્પુર વડ
    તા. વડનગર
    જી : મહેસાણા
    મો :૯૯૨૪૬૧૦૧૨૪

  3. કાવ્ય

    હા તું માને

    જીવાડી
    હસાવી
    રડાવી
    રહ્યો છે
    ચલાવી
    દોડાવી
    ફરાવી
    રહ્યો છે
    ઉંઘાડી
    જગાડી
    રહ્યો છે
    જેને તું ઈસુ, બુદ્દ્ધ, મહાવીર,
    રામ, ક્રુષ્ણ ક હે છે
    તે જ એ જ છે
    તું માને તો સઘળુય છે
    અને
    ના માને તો ક્શુંજ નથી ..

    કવિ : જાન
    મલેક્પુર વડ
    મો.૯૯૨૪૬૧૦૧૨૪

  4. કવિ -જાન
    ગામ :મલેક્પુર તા.વડ્નગર જિ.મહેસાણા
    પી: ૩૮૪૩૫૫ મો.૯૯૨૪૬૧૦૧૨૪

    કવિતા

    ” વાયરા ”

    ” વાવરા રે લાગ્યા હવે વસંત કેરા વાયરા,
    ને આંબલિયાની ડાળી પર જામશે મધુર ડાયરા .

    કોકિલ કંઠે મધુર ગીતો ગાશે કોયલડીઓ ,
    ને ટેંહુક ટેંહુક કરતા રણકી ઉઠ્શે મોરલિયાના રણકારા.

    અને વળી ફુલો તો વસંતની ખુશ્બુભરી,
    આ ધરા ને મહેકાવી ઉઠશે જરા.

    ને પેલા મજાના વ્રુક્ષો તો જાંજર પહેરી ,
    થન થન કરતાં જરૂર નાચી ઉઠશે ખરા .

    વાવરા રે લાગ્યા હવે વસંત કેરા વાયરા,
    હાં રે હવે માનવીયાંના મન રહેશે ઉમંગ ભર્યા .”

    કવિ : જાન

  5. ankitbhai,tamaru ankering gani vakhat sambhleu chhe.aaj kavilok ne site visit karata tmaru naam janitu laguu. Pl.ek gujarati kavita chee, pachha valata – potani mane agnisanskar kari dikaro paccho vale chee, tyare ma bahu yaad ave chee. Pl. mane aa gujarati kavita agar to kavinu naam malve apsho.

  6. we ol frns r gr8 lovers of urs…. since our school lyf… KAVISAMMELAN held in “SARDAR VALLABHBHAI VIDYALYA” evry year… bt v got jst 2 chances 2 hear ur voice n incrdible anchoring …. Oh.. v miss those moments a lot… shabdo ne saav nava j libaas ma prastut karvanu tamaru kaushaly… aahhhaa… adbhut!!

  7. Aadaraniya Ankitbhai,

    Aaje amo bahuj khus chie. Amane bija suresh dalal mali gaya che.
    Kon kahe che gujari bhasa bhulay jawa lagi che, e to phrithi aadas mardi ne ubhi thay che.Bas aap aavu j gujarati sahitya ne pradan karta raho evi shubh kamana.

  8. dear ankit ,

    yaar tu kammal che game teva progaam ma jaan lavi de che ek vaar malvu che tane koie tane kidhu hatu ne gito ni vachhe vachhe je bolo cho teno j ek prograam raakho ne mane evu kevanu man thaay che hamna j tane kai bijo award malyo chitrlekha ma vanchyu aanad thayo surat aave tyare yaad karje koi vaar ane ha lagan karya ke nai ?

  9. તને દરરોજ મળું છું સ્વપનામાં વિહરતાં
    આજે તું સાક્ષાત સામે કઈ રીતે આવી
    I tried to write instantly.
    I like your beautiful GAZAL

    • કવિ -જાન
      ગામ :મલેક્પુર તા.વડ્નગર જિ.મહેસાણા
      પી: ૩૮૪૩૫૫ મો.૯૯૨૪૬૧૦૧૨૪

      કવિતા

      ” વાયરા ”

      ” વાવરા રે લાગ્યા હવે વસંત કેરા વાયરા,
      ને આંબલિયાની ડાળી પર જામશે મધુર ડાયરા .

      કોકિલ કંઠે મધુર ગીતો ગાશે કોયલડીઓ ,
      ને ટેંહુક ટેંહુક કરતા રણકી ઉઠ્શે મોરલિયાના રણકારા.

      અને વળી ફુલો તો વસંતની ખુશ્બુભરી,
      આ ધરા ને મહેકાવી ઉઠશે જરા.

      ને પેલા મજાના વ્રુક્ષો તો જાંજર પહેરી ,
      થન થન કરતાં જરૂર નાચી ઉઠશે ખરા .

      વાવરા રે લાગ્યા હવે વસંત કેરા વાયરા,
      હાં રે હવે માનવીયાંના મન રહેશે ઉમંગ ભર્યા .”

      કવિ : જાન

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s