પહેલી મે – રમેશ પટેલ ‘આકાશદીપ’

ગુજરાત રાજ્યના સ્થાપના દિન પ્રસંગે શ્રી રમેશભાઈ પટેલ ‘આકાશદીપ’ના આ બે કાવ્યો માણીને આપણા ગુજરાતના આ આગવા દિનની ઉજવણી કરીએ.

પહેલી મે

દે એક રવિ આશીષ આકાશે
રવિ બીજા મૂક સેવકની શાખે

પહેલી મે એ પ્રગટ્યા દીપ ધરાએ
રાજ ગુજરાતનું ઝગમગ્યું આજે

મહા ગુજરાતના ઓ વીર લડવૈયા
ક્રાન્તીવીર ગુર્જર અસ્મિતાના રખવૈયા

ઑગષ્ટ માસે ઈન્દુલાલ ગરજતા
યાદ કરી નમીએ ,સૌ સંતાન સવૈયા

અમે તારા સાવજ સંતાનો
સાત સમંદર ઘૂમતા રહેતા

વાદળ જેમ નીત ઉપર ઉઠતા
સદા સઘળે વરસતા રહેતા

શ્રીફળ સમ અમે ઉપરથી રુક્ષ
હર ડગલે રોપતા પ્રગતિ વૃક્ષ

વતન અમારું પ્યારું ન્યારું
ગાંધી સરદારનું ગુજરાત અમારું

રમેશ પટેલ ‘આકાશદીપ’
_________________________________________

વ્હાલું રતન મારું ગુર્જર વતન
પહેલી મે એ પથરાયા અજવાળા
પધાર્યા રવિ આકાશે કંકુવરણા
પ્રગટાવે દીવડા રવિશંકર મહારાજા
રાજ ગુજરાતની હરખે ગાઓ ગાથા

બાંધતી ગુર્જરી પાવન બંધન
ખીલ્યું ગગન ને સાગર ઢોળે પવન
પંખીડાં ગીત ગાઈ કરતાં રંજન
શુભ દિન પહેલી મે એ ગાશું કવન

સાત સાગરે ધર્યા પ્રેમના સ્પંદન
સંપદાથી શોભતાં વગડાં ને વન
પાવન સરીતાને કરી એ વંદન
વહાલું રતન મારું ગુર્જર વતન

સંતોને વીરોની ભૂમિ આ મહાન
ધરતીના કણકણમાં રમતું શૂરાતન
પ્રાણથીય પ્યારી પુનિત ધરતી મંગલ
કરશું વંદન શીરે બાંધી કફન

નવયુગના ઝૂમે આજ સ્વપ્નો ગગન
અહીંસા આદરથી રેલાવીએ અમન
ગાંધી સરદાર અમારી વિભૂતીઓ મહાન
માત ગુર્જરીને કરીએ ભાવે વંદન
વતન અમારું પ્યારું ન્યારું, અમે બહૂરંગી ફૂલ
પ્રેમ ધરમે રમાડે હૈયાં માનવતાનાં મૂલ

રમેશ પટેલ ‘આકાશદીપ’

2 Comments

  1. વતન અમારું પ્યારું ન્યારું, અમે બહૂરંગી ફૂલ
    પ્રેમ ધરમે રમાડે હૈયાં માનવતાનાં મૂલ

    અમે તારા સાવજ સંતાનો
    સાત સમંદર ઘૂમતા રહેતા

    વાદળ જેમ નીત ઉપર ઉઠતા
    સદા સઘળે વરસતા રહેતા

    Your views are great like cloud and
    Lion of Great Gujarat.A special thanks To Aakashdeep and kavilok.

    Vital Patel

  2. મહા ગુજરાતના ઓ વીર લડવૈયા
    ક્રાન્તીવીર ગુર્જર અસ્મિતાના રખવૈયા

    ઑગષ્ટ માસે ઈન્દુલાલ ગરજતા
    યાદ કરી નમીએ ,સૌ સંતાન સવૈયા

    Congratulation for such nice poems having its
    real spirit on this special Day .

    Chirag Patel

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s