ખુલ્લો પડકાર- રાજેન્દ્ર ડી. શાહ

ખુલ્લો પડકાર

સલામ એ શહીદોને જેમણે દેશની આઝાદી માટે પોતાનું સર્વસ્વ અર્પણ કર્યું,
કેવા આ આપણા નેતાઓ જેમણે અંગત સ્વાર્થ સાચવવા આતંકીઓને દેશનું તર્પણ કર્યું;

સલામ એ આઝાદીના નેતાઓને જેમણે ગાંઠના પૈસા દેશને અર્પણ કર્યા,
ધિક્કાર આ નેતાઓને પ્રજાના પરસેવાના પૈસાથી સ્વ ખિસ્સાઓ ભર્યા;

સલામ એ મહારાજ-વિનોબાને જમીનદારોની જમીન મફતમાં વહેંચી;
જુઓ આ કૌભાંડી નેતાઓ પ્રજાની જમીન ખનીજો કરોડોમાં વેચી;

સલામ એ પદ્મનાભ મંદિરના સાંપ્રત રાજાઓને પ્રભુનો ખજાનો સાચવવાની રીત અલગારી,
આ આપણા નેતાઓ પ્રજાનો પૈસો સ્વીસ બેંકમાં મૂકી સાત પેઢીઓ તારી.

વંદન એ સંતોને લોકોને ખવડાવવા ખુલ્લા મુક્યા સ્વ ભંડાર,
આ નેતાઓ તેલ અનાજના સટ્ટેપેટે હાથ ફેરવે ઠંડોગાર.

સલામ એ ગાંધી સરદારને જેમના પુતળા વિદેશમાં પણ પામે સ્થાન,
જુઓ આ આપણા નેતાઓ પોતીકા પુતળા પોતે મૂકી કરે છે ગુલતાન.

સલામ અન્ના હજારેજીને લોકપાલ બીલ માટે જાન જોખમાવે છે,
અને આ શિયાળ શા નેતાઓ કમાન્ડો વચ્ચે શરમાવે છે.

ભણાવો પાઠ આ નેતાઓને ફૂંકો રણ સિંગુ નરબંકાઓ,
બનો નચિકેતા, બનો સિંઘમ બાળો માયાવી શ્રીલન્કાઓ.

– રાજેન્દ્ર ડી. શાહ

નૂતન વર્ષે… રાજેન્દ્ર ડી. શાહ

નૂતન વર્ષે…

નૂતન વર્ષ, નૂતન સવાર, જીવનમાં નૂતન પ્રકરણ,

ભૂલવા જૂના ભેદભાવો, વેરઝેર અને જૂની લઢણ.

સૌના જીવનમાં સુસંવાદિતા, ના દેખાય ક્યાંય ચણભણ,

અધૂરપની મધુરપ માણવી, જવું પૂર્ણતા ભણી ક્ષન-ક્ષન,

સૌનાં સપનાં સાચાં પડે, દૂર થાય મનની મુંઝવણ.

સામેનાના મનની વાત સમજીએ , ભલે એ ન બોલે કંઈ પણ,

નવા ઉમંગો, નવી ચેતના, રાધાવરનું રાત દિ’ રટણ,

હસીએ મુક્ત મને ખડખડાટ , છોડીને રોજીંદી પરોજણ,

આબાલવૃદ્ધ, નરનારી સૌ સંકળાયા છે એક તાંતણ,

સર્વાંગી વિકાસ યાત્રામાં જોડાયા હર ભારતી જણ.

નૂતન વર્ષાભિનંદન , નૂતન વર્ષાભિનંદન

– રાજેન્દ્ર ડી. શાહ

આપણા દુ:ખનું કેટલું જોર ? – રાજેન્દ્ર શાહ

(જ્ઞાનપીઠ એવોર્ડ વિજેતા ગુજરાતી કવિતાના મૂર્ધન્ય કવિશ્રી)

ભાઈ રે, આપણા દુ:ખનું કેટલું જોર ?

નાની એવી જાતક વાતનો મચવીએ નહીં શોર !… ભાઈ રે..

                        

ભારનું વાહન કોણ બની રહે? નહીં અલૂણનું કામ,

આપણ તો બડભાગી, ખમીરનું આજ ગવાય રે ગાન;

સજલ  મેઘની  શાલપે  સોહે  રંગધનુષની  કોર… ભાઈ રે..

                     

જલભરી દ્રગ  સાગર  પખે, હસતી કમળફૂલ,

કોકડું છે પણ રેશમનું, એનું ઝીણું વણાય દુકૂલ;

નિબિડ રાતનાં  કાજળ પાછળ પ્રગટે અરુણ ભોર…ભાઈ રે..

                    

આપણે ના કંઈ  રંક, ભર્યોભર્યો માંહ્યલો કોશ અપાર;

આવવા દો જેને  આવવું, આપણ મૂલવશું નિરધાર;

આભ ઝરે ભલે આગ, હસી હસી ફૂલ ઝરે ગુલમહોર…ભાઈ રે.. 

                

રાજેન્દ્ર શાહ

            

જન્મ: જન્યુઆરી 28, 1913

જ્ઞાનપીઠ એવોર્ડ વિજેતા ગુજરાતી કવિતાના મૂર્ધન્ય કવિશ્રી

અમર ગીતો ( ગુજરાતી સાહિત્યનો અમર વારસો ) માંથી સાભાર

સંપાદન: ચંદ્રકાન્ત શેઠ

પુસ્તક પ્રકાશક અને વિક્રેતા: આર. આર. શેઠની કંપની

Web: www.rrsheth.com